Domingo 27 Setembro 2009 as 1:57 pm
CARBALLO: Tega presentarase ás eleccións en Carballo
La Voz de Galicia | 27/09/2009
O comité xeral de Terra Galega de Carballo acordou formalmente presentarse ás próximas eleccións municipais. Por se había dúbidas, quedaron despexadas do todo. Fíxoo na reunión celebrada o venres no restaurante Punta do Leste, reunión á que asistiron máis de 40 persoas. O partido, ademais, renovarase con xente nova e escomezará en breve unha campaña de visitas ás parroquias, pra coñecer de primeira man as demandas que lles expoñan.
+mais
Xoves 24 Setembro 2009 as 3:58 pm
NARÓN: Espada e Sánchez Fojo repártense as concellarías de Pérez Sequeiros
La Voz de Galicia | 24/09/2009
Pablo Mauriz incorpórase ás comisións de Contratación, Obras e Muller.
O novo edil de Terra Galega Ramón Padín tomará posesión hoxe da súa acta no pleno ordinario.
Trala toma de posesión de Ramón Padín López, prevista para o pleno ordinario de hoxe ás 19.00 horas, farase efectiva a que é xa a cuarta reorganización do goberno municipal no que vai de mandato. Nunha reunión celebrada onte pola tarde na sede de Terra Galega, acordouse que as áreas municipais que coordinaba Manuela Pérez Sequeiros, falecida de forma repentina o pasado xullo, pasarán a mans dos edís Guillermo Sánchez Fojo e María del Carmen Espada.
+mais
Martes 22 Setembro 2009 as 4:16 pm
NARON: O Concello dedica a Pérez Sequeiros o novo centro de maiores de Vosa
La Voz de Galicia | 22/09/2009
O prego de condicións esixe a contratación de seis persoas e propón que se amplíe con outras nove máis.
A empresa Geriatros xestionará as instalacións que comezarán a funcionar o 1 de outubro.
O novo centro de maiores que abrirá as súas portas o 1 de outubro será unha homenaxe á que durante dezaseis anos foi concelleira de Servizos Sociais de Narón. As instalacións de Vosa serán bautizadas co seu nome, Manuela Pérez Sequeiros, unha decisión que será aprobada por unanimidade tras recibir onte o apoio de todos os portavoces municipais.
+mais
Venres 18 Setembro 2009 as 4:53 pm
CORISTANCO: Terra Galega de Coristanco insta ao goberno municipal a que equipe os parques das unitarias
La Voz de Galicia | 18/09/2009
Os edís de Terra Galega de Coristanco presentarán unha moción no próximo pleno municipal na que instarán ao goberno municipal que retome o proxecto de equipación das escolas unitarias do municipio, xa que, segundo explican, atópanse, en xeral, nun estado lamentable cando os nenos que acoden a elas deberían «dispoñer dás mesmas condicións que calquera outro neno dá cidade».
+mais
Venres 18 Setembro 2009 as 4:39 pm
CARBALLO: Terra Galega de Carballo abrirá o vindeiro venres o debate sobre a precampaña electoral
La Voz de Galicia | 18/09/2009
Falta aínda ano e medio para as próximas eleccións municipais, pero Terra Galega de Carballo xa comeza a preparalas. Farao o vindeiro venres, día 25, cun acto do comité xeral do partido (unhas 40 persoas) no restaurante Punta do Leste.
No encontro, segundo indicou onte o líder da formación, Manuel Andrade, «trataranse moitos temas», pero o xeito de enfrontarse aos próximos comicios será o máis destacado. «Queremos abrir o debate xa», engadiu, e iso inclúe a posibilidade de que unhas persoas salgan, e outras, entren.
+mais
Breves
