Ante a difícil situación que se está xerando en Galicia co tema do idioma, Terra Galega quere expoñer o seguinte:

Aínda non estando dacordo co dogmatismo e sectarismo con que foron tomadas algunhas decisións por parte do anterior Goberno Bipartito (PSOE e BNG) e sendo moi críticos co modo e forma elixido para a defensa do Galego e coa pouca ou escasa aprobación social que produciu a aplicación de certas decisións políticas, temos que recoñecer que Feijoo e a súa nova Xunta fixéronos bos.

Queremos deixar claro que rexeitamos totalmente a actitude do partido popular e a de UPyD e a sua plataforma bilingüista cuxo obxectivo foi e é crear un problema entre os cidadáns deste país para os seus intereses electoralistas.

Este suposto problema nunca se dou en Galicia, non se pode dicir que aquí se marxinara a ninguén por falar castelán, ao contrario a historia dinos que a marxinación foi sufrida, en todo caso, polos galegofalantes.

Pra os que alegan a falacia de que o castelán estábase a perder, só cabe unha comprobación que calquera cidadán pode facer, dirixámonos a calquera kiosco ou librería e contemos as publicacións de xornais ou libros escritas en galego e logo fagamos o mesmo coas de castelán, a diferenza é abafadora a favor do castelán. Isto desmonta dun xeito simple e claro esta gran falacia.

La Voz de Galicia | 29/05/2009

Ángeles Díaz recalcou que se invitou «a todolos negocios» e que «o respaldo ao encontro foi incrible»

O ambiente distendido que predominou nos plenos dende que Xosé Manuel Blanco é alcalde se esfumou onte coa celebración dunha sesión máis longa do habitual, de máis de dúas horas, e cargada de acusacións políticas. Non foi o rexedor local nin o seu partido, Terra Galega, o branco das críticas da oposición, senón o seu socio de goberno, o PP. Angeles Díaz e Pomba González recibiron, polo seu papel de organizadoras da gala do comercio, duras críticas de PSOE e BNG, pedindo o primeiro, ata, a súa dimisión. Duas mocions presentadas por PP e Bloque, con teses enfrontadas sobor da defensa do galego, contribuíron a avivar o debate político.

La Voz de Galicia | 22/05/2009

O líder de Terra Galega, Amancio Lavandeira, afirma que unha visita aos municipios da comarca basta para «descubrir as carencias que hai en Coristanco. Mentres os demais prosperan e teñen máis servizos, nós imos para abaixo».

La Voz de Galicia | 29/05/2009

Manuel Andrade Cristóbal, portavoz de Terra Galega, considera que o bipartito saca proveito do seu traballo anterior. «Aquí, para xustificarse, sácanse a relucir 4-6 anos, cando estamos a falar de dous anos deste goberno, porque vivir de rendas doutros non me paréce correcto».

Comunicado Oficial de Terra Galega

Dado o proceso xudicial no que se veu inmerso o Concelleiro de Terra Galega na Guarda,  Sr. Fariñas, dende a Dirección Nacional de Terra Galega congratulámonos de que quedara exculpado, pero debido ao séu recoñecemento de “haber dado el visto bueno a las facturas pese a conocer que las obras no estaban realizadas”, non podemos consentir nin ética, nin políticamente dita actitude, polo que cursamos duas notificacións: unha de expulsión a súa persoa e outro certificado ao secretario do Concello de A Guarda para que proceda a pasalo fora do grupo municipal de Terra Galega, colocandoo no grupo de non adscritos.
 

28 de maio de 2009
 

Xermán Tobío
Secretario Xeral de Terra Galega

Tega e PP defenden unha actuación conxunta co mercado aínda que se perda a subvención de 1,8 millóns

La Voz de Galicia | 27/05/2009
A iniciativa de Terra Galega para que se paralice o procedemento de contratación do proxecto de reforma do mercado desatou un debate político no que non faltaron alusións á etapa do tripartito e ata aos grandes símbolos urbans que se perderon nos anos setenta. Houbo tamén algunha descalificación, pero, sobre todo, sucedéronse as longas e densas intervencións que prolongaron o pleno ordinario do luns ata cinco minutos antes da medianoite.

La Voz de Galicia | 27/05/2009

A partir do próximo ano, todas as actividades do aula de música de Cedeira desenvolveranse no histórico edificio Escolar do Piñeiro, no centro da vila. Esta é a intención municipal despois de que fose durante o presente curso escolar cando se puxese en marcha o Aula de Música da localidade nun edificio anexo á gardería municipal.
Agora, segundo o concelleiro de Cultura, Xermán Tobío, o Concello quere trasladar ao «centenario edificio» o ensino musical ademais da Banda de Música de Cedeira, a de Gaitas e a Orquesta de Acordeons Robaleira, actualmente ubicadas no edificio da confraría.

La Voz de Galicia | 24/05/2009

As obras de reforma da escola unitaria de Seavia (Coristanco) propiciaron novas críticas de Terra Galega ao goberno local pola xestión das axudas procedentes doutras administracións.

O portavoz da formación centrista, Amancio Lavandeira, explicou onte que o proxecto foi subvencionado a través do programa Agader con 153.071 euros, pero que, finalmente, a entidade só certificó 112.907 euros. «Neste caso -conclúe o edil-, a mala xestión feita polo alcalde fixo que os veciños de Seavia perderan nesa obra 40.163 euros».

O sector lácteo galego está a sufrir unha crise que dende fai moito tempo se via vir, por iso dende Terra Galega queremos facer as seguintes manifestacións:

1.- Preguntas ante o parlamento do estado español e ante o parlamento galego:

• ¿cal é a cantidade de cartos dos fondos para arranxos estructurais que deu a UE ao estado ata o día de hoxe?
• ¿cantos deses fondos foron destinados para a converxencia e modernidade do agro galego?

2.- Reflexións para os cidadáns:

• ¿cales foron as medidas adoptadas, ata o día de hoxe, por parte dos distintos gobernos que pasaron pola Xunta (PP, PSOE, BNG) para paliar a continua degradación do campo en Galicia?

As anteriores cuestións teñen unha sinxela contestación: o montante monetario foi unha limosna miserable xa que con eses cartos de converxencia estanse a construir infraestruturas en Madrid e, en canto as medidas da Xunta: ningunha.

Deste xeito Terra Galega, ante a política do avestruz que estan a adoptar as outras forzas políticas, agochando a cabeza ou mirando para outro lado, queremos facer unha proposta clara: